Քո առողջությունը. տամպոններ

ՀԱՐՑ: Տամպոնների տուփի վրա նշված է, որ դրանք հարկավոր է փոխել յուրաքանչյուր 4 ժամը մեկ: Արդյո՞ք դա նշանակում է, որ գիշերը տամպոն օգտագործել չի կարելի:

ՊԱՏԱՍԽԱՆ: Ըստ էության, ցանկացած հիգիենիկ միջոց հարկավոր է փոխել 4 ժամը մեկ: Սակայն ոչ մի սարսափելի բան չի պատահի, եթե գիշերվա ընթացքում այդ ժամկետը երկարի մինչև 6-8 ժամ: Երևի նկատել ես, որ պառկած դիրքում արտադրությունն ավելի քիչ է. գործում է ձգողականության օրենքը: Իսկ առավոտյան` ուղղահայաց դիրք ընդունելուց հետո, գիշերվա ընթացքում կուտակված արտադրությունը դուրս է գալիս:

Այդ պահին հիգիենիկ միջոցը հարկավոր է փոխել: Ի դեպ, «գիշերային» միջադիրները «ցերեկայիններից» ավելի մեծ են ոչ թե առատ արտադրության պատճառով, այլ որովհետև քնի ժամանակ դրանք տեղաշարժվում են, և մեծ չափսը լրացուցիչ պաշտպանություն է տալիս: Տամպոններն իրենց դիրքը չեն փոխում, ուստի ավելի ապահով են: Տեղադրիր նոր տամպոն քնելուց առաջ և փոխիր այն արթնանալուց անմիջապես հետո:

Հարցեր, պատասխաններ, մեկնաբանություններ